Home  
    Director General  
    Governing Body  
    Departments  
    KDA Directory  
    Photo Gallery  
    Video Gallery  
       
 
 
       
    KDA Introduction  
    Organization Chart  
    Tender Information  
    Tenders  
    Grand Auction  
    Notifications  
       
 
 
       
    Public Notice  
    Town Map  
    National Holidays  
    Prayer Timings  
       


 
 
 
 
     
  ڈائریکٹر جنرل ادارہ ترقیات کراچی کی خصوصی ہدایت کی روشنی میں گزشتہ ایک ماہ سے جاری آپریشن کے دوران 544 سے زائد غیر قانونی تعمیرات کو بھاری مشینری کے ذریعے مسمار کیا گیا۔  
     
  03-Jan-2018  
     
   
     
  ڈائریکٹر جنرل ادارہ ترقیات کراچی سمیع الدین صدیقی کی خصوصی ہدایت کی روشنی میں کراچی کی تاریخ میں پہلی بار کراچی ڈیولپمنٹ اتھارٹی کی جانب سے بڑے پیمانے پر قبضہ مافیا کے خلاف مؤثر کارروائی کی گئی۔ ترجمان کے مطابق خاطر خواہ کامیابیوں کے باوجود ڈی جی کے ڈی اے نے بلا تفریق تجاوزات کے خلاف آپریشن کو منطقی انجام تک پہنچانے کی ہدایت جاری کی ہے۔ گزشتہ ایک ماہ سے جاری آپریشن کے دوران 544 سے زائد غیر قانونی تعمیرات جن میں 188 دکانیں، 140 شادی ہالز، 114 کچے پکے مکانات، 58 بائونڈری وال، 16 بلاکس تھلے، 4 گودام، 12 ہوٹلز، دفاتر، بھینسوں کا باڑہ، فارم ہاوسز شامل ہیں، کو بھاری مشینری کے ذریعے نہ صرف مسمار کیا گیا بلکہ واگزار کرائی گئی اراضی پر ادارہ ترقیات کراچی کا مخصوص سائن بورڈ لگانے کا عمل جاری ہے جبکہ روزانہ کی بنیاد پر نگرانی کا نظام نافذ ہے۔ ترجمان کے مطابق ڈی جی کے ڈی اے سمیع الدین صدیقی نے قبضہ مافیا کے خلاف کی گئی کارروائی پر اطمینان کا اظہار کرتے ہوئے کے ڈی اے محکمہ اسٹیٹ اینڈ انفورنسمنٹ کے ڈائریکٹر کو ہدایت جاری کی کہ کسی بھی قسم کے دبائو کو نظر انداز کرکے کے ڈی اے اراضی پر قائم تجاوزات کا مکمل خاتمہ کیا جائے، ضرورت پڑنے پر قانون نافذ کرنے والے اداروں سے تعاون حاصل کیا جائے۔محکمہ اسٹیٹ اینڈ انفورنسمنٹ کا عملہ شہر بھر میں کے ڈی اے اراضی پر قائم غیر قانونی تعمیرات کو مسمار کرنے کیلئے اپنی تمام تر توانائیوں کو بروئے کار لاتے ہوئے بھرپور قوت سے آپریشن کررہا ہے۔ واضح رہے کہ سپریم کورٹ کی ہدایت اور حکومت سندھ کے تعاون سے ڈائریکٹر جنرل ادارہ ترقیات کراچی سمیع الدین صدیقی بذات خود آپریشن کی مانیٹرنگ کررہے ہیں۔  
     
     
   
     
     

 

 

 

 

 
 
   
 

Copyright © 2016 Karachi Development Authority. All Rights Reserved.
The KDA will not be responsible for the content of external internet sites. / Login  / Webmail