Home  
    Director General  
    Governing Body  
    Departments  
    KDA Directory  
    Photo Gallery  
    Video Gallery  
       
 
 
       
    KDA Introduction  
    Organization Chart  
    Tender Information  
    Tenders  
    Grand Auction  
    Notifications  
       
 
 
       
    Public Notice  
    Town Map  
    National Holidays  
    Prayer Timings  
       


 
 
 
 
     
  ڈائریکٹر جنرل ادارہ ترقیات کراچی آصف اکرام ، مشیر برائے انسپکشن ٹیم سید وقار مہدی ، راشد حسین ربانی اور صدر پیپلز لیبر بیورو سندھ حبیب الدین جنیدی کیک کاٹ رہے ہیں۔  
     
  14-Aug-2020  
     
   
     
  کراچی ڈیولپمنٹ اتھارٹی کی جانب سے 73 واں یوم جشن آزادی شہر بھر میں بالخصوص کے ڈی اے کی مختلف اسکیمیں اور ٹائون شپس میں پرجوش طریقے سے منایا گیا۔ جشن آزادی کے موقع پر کے ڈی اے سوک سینٹر کے سبزہ زار میں ایک پروقار تقریب کا اہتمام کیا گیا جس کی صدارت ڈائریکٹر جنرل ادارہ ترقیات کراچی آصف اکرام نے کی۔ تقریب کا آغاز تلاوت کلام پاک سے کیا گیا، کے ڈی اے اسکولز کے طلباء و طالبات نے حمد باری تعالیٰ، نعت رسول مقبولؐ اور ملی نغمے پیش کئے جس کے بعد ڈائریکٹر جنرل ادارہ ترقیات کراچی آصف اکرام نے کے ڈی اے سوک سینٹر کے سبزہ زار میں قومی پرچم کی کشائی کی اور کے ڈی اے اسکولز کے طلبہ و طالبات کے ہمراہ قومی ترانہ پڑھا۔ اس موقع پر ڈی جی کے ڈی اے آصف اکرام نے کہا کہ ہم سب مل کر پاکستان کو ترقی یافتہ ممالک کی سرفہرست صف میں کھڑا کرنے کے لئے اپنا کردار ادا کریں اور آنے والی نسل پاکستان کے بہترین مستقبل کی پہچان ہے امید ہے کہ پاکستان کو ترقی کی جانب گامزن کرنے میں مرکزی کردار اداکرے گی۔ جشن آزادی کے موقع پر کراچی کے شہریوں کو بتانا چاہتا ہوں کہ نئی پبلک ہائوسنگ اسکیم پر منصوبہ بندی جاری ہے جلد ہی نئی و سستی رہائشی اسکیم متعارف کرائی جائے گی۔ قیام پاکستان کے بعد ملک میں قائم ہونے والی پہلی ڈیولپمنٹ اتھارٹی کے ڈی اے نے عروس البلاد کراچی کی ترقی میں اہم اور یادگار کردار ادا کیا ہے، ماضی کی روایات کو برقرار رکھتے ہوئے آج بھی شہریوں کو بہترین سہولیات فراہم کرنے کے لئے تمام ممکنہ وسائل کو بروئے کار لایا جارہا ہے۔ متوسط اور کم آمدنی والے خاندانوں کو بہتر سے بہتر رہائشی سہولیات فراہم کرنے پر آج اہلیان کراچی کے ڈی اے کو یاد کرتے ہیں۔ ڈی جی کے ڈی اے آصف اکرام نے اہل وطن خصوصاً اہلیان کراچی کو جشن آزادی کی مبارکباد پیش کی۔بعدازاں جشن آزادی کی خوشی میں ڈی جی کے ڈی اے، راشد حسین ربانی، مشیر برائے انسپکشن ٹیم سید وقار مہدی اور صدرپیپلز لیبر بیورو سندھ حبیب الدین جنیدی نے کیک کاٹا ۔ تقریب میںکے ڈی اے ایمپلائز یونین کے سرپرست اعلیٰ نور انور صدیقی، وطن پرسن لیبر یونین کے عمران حسین، کے ڈی اے مزدور یونین کے انور شیخ، چیف انجینئر مبین احمد صدیقی، سیکریٹری کے ڈی اے فضیل بخاری ، فنانس کمیٹی کے رکن عزیز خان، چیف سیکورٹی آفیسر رائو طارق و دیگر افسران و ملازمین نے بھرپور شرکت کی۔ آخر میں کے ڈی اے لیبر یونین کے سرپرست محمد اشرف نے آمد پر مہمانوں کا شکریہ ادا کیا۔  
     
     
 
News Photo Gallery
 
 
 
 
 
 
 
 
 
 
 
 
 

 
     
     

 

 

 

 

 
 
   
 

Copyright © 2016 Karachi Development Authority. All Rights Reserved.
The KDA will not be responsible for the content of external internet sites. / Login  / Webmail