Welcome to Karachi Development Authority
Mon to Fri - 9am to 5pm
Civic Center, Karachi
info@kda.gos.pk
Click Here
ڈائریکٹر جنرل ادارہ ترقیات کراچی سید شجاعت حسین نے آباد ایسوسی ایشن بلڈرز اینڈ ڈیولپرز کے وفد سے کے ڈی اے کے مرکزی دفتر سوک سینٹرمیں ملاقات کی۔ ملاقات کے دوران ڈی جی کے ڈی اے سید شجاعت حسین نے آباد کی نئی منتخب کردہ باڈی اور چیئرمین محمدحسن بخشی کو مبارک باددی۔ڈی جی کے ڈی اے سید شجاعت حسین نے آبادکی گزارشات پر فوری ایکشن لیتے ہوئے متعلقہ حکام کو مستقل بنیادوں پر مسائل کے خاتمہ کے لئے ہدایات جاری کیں جبکہ کے ڈی اے اور آباد کے مابین دو رکنی مشترکہ کمیٹی بنانے کے احکامات جاری کئے۔دو رکنی کمیٹی کے ڈی اے اور آباد کے مابین روابط کو مزید مضبوط بنانے کے ساتھ ساتھ مشترکہ مفادات پرعملدرآمدکا تعین کرے گی۔ ڈی جی کے ڈی اے نے مزیدکہاکہ ادارہ ترقیات کراچی میں ریکارڈ کو مکمل طو رپر محفوظ بنانے کے لئے کمپیوٹرائزڈ کا عمل جاری ہے جبکہ کے ڈی اے اراضیوں پر قائم تجاوزات کے خاتمہ کے لئے بلا تفریق کارروائیاں جاری ہیں اور واگزار اراضیوں کو مستقل بنیادوں پر محفوظ بنانے کا عمل بھی تیزی سے جاری ہے۔ چیئرمین آباد محمد حسن بخشی نے خواہش کااظہار کرتے ہوئے کہا کہ ہم کے ڈی اے کے ساتھ کمپیوٹرائزڈ ریکارڈ پبلک پرائیویٹ پارٹنر شپ کے تحت کرنے کے لئے تیار ہیں۔ آخر میں ڈی جی کے ڈی اے نے آباد کے چیئرمین محمد حسن بخشی کو سووینئراور سندھ کی ثقافت اجرک پیش کی۔ملاقات کے دوران آباد کے چیئرمین محمد حسن بخشی، سینئر وائس چیئرمین احمداویس تھانوی، آباد کے ممبرمحمود احمدخان اور عہدیداران سمیت ادارہ ترقیات کراچی کے ممبر ایڈمن شکیل صدیقی، ممبر فنانس کاشف خان، ڈائریکٹر ڈی پی اینڈ یو ڈی شیخ فرید، ڈائریکٹر ٹریفک انجینئرنگ اینڈ بیورو کمال صدیقی، ڈائریکٹر آئی ٹی محمد جمیل، ڈائریکٹر ریکوری بہزاد عامر میمن و دیگر افسران موجود تھے۔