Welcome to Karachi Development Authority
Mon to Fri - 9am to 5pm
Civic Center, Karachi
info@kda.gos.pk
Click Here
وزیربلدیات سندھ سعید غنی کے خصوصی احکامات پر عملدرآمد کرتے ہوئے ادارہ ترقیات کراچی شہر بھر میں تجاوزات کے خلاف بڑے پیمانے پر کارروائیوں میں مصروف عمل ہے۔ اس ضمن میں گزشتہ شب گلستان جوہر پلاٹ نمبر ST 2/1، بلاک14، گلستان جوہر، کراچی میں قائم غیر قانونی کمرشل دکانوں اور اسٹالز کو مسمار کرنے کے لئے آپریشن کیا گیا۔ ڈائریکٹر جنرل ادارہ ترقیات کراچی الطاف گوہر کی خصوصی ہدایت پر مذکورہ آپریشن کے دوران متعدد غیر قانونی تعمیرات کو بھاری مشینری کے ذریعہ مسمار کرکے کے ڈی اے کی اراضیاں واہگزار کرالی گئی۔ ڈی جی کے ڈی اے کے وژن کے مطابق شہر بھر میں تجاوزات کے خلاف سو فیصد کامیابی حاصل کرنے تک بلا تفریق آپریشن جاری رہے گا۔ ڈائریکٹر جنرل کے ڈی اے الطاف گوہر میمن نے کے ڈی اے محکمہ انسداد و تجاوزات کو سختی سے ہدایت کی ہے کہ قبضہ مافیا سے کے ڈی اے کی اراضیاں ہر صورت واہگزار کرائی جائیں، ضرورت پڑنے پر قانون نافذ کرنے والے اداروں سے تعاون حاصل کیا جائے اور افرادی و مشینری قوت میں مزید اضافہ کرکے آپریشن کو منطقی انجام تک پہنچایا جائے۔ادارہ ترقیات کراچی کے ترجمان کا کہنا ہے کہ ڈائریکٹر جنرل ادارہ ترقیات کراچی کے احکامات پر واہگزار کرائی اراضی کو اصل شکل میں بحال کیا جارہا ہے، انسداد تجاوزات کی کارروائی بتدریج کے ڈی اے اسکیمز و ٹاؤن شپس میں کی جارہی ہیں اور کے ڈی اے کی اراضیوں کو تجاوزات سے مکمل طور پر پاک کرنے کا عمل بھی جاری ہے۔ ادارہ ترقیات کراچی ماضی میں بھی شہر کی تعمیر و ترقی میں کلیدی کردار ادا کرتا رہا ہے اور اس تسلسل کو قائم رکھنے کیلئے مستقبل قریب میں بھی نمایاں نظر آئے گا۔گلستان جوہر میں آپریشن کے دوران ممبر اے محمد شکیل صدیقی، ڈائریکٹر پارکس شکیل خان، محکمہ اسٹیٹ اینڈ انفورنسمنٹ کے افسران و ملازمین سمیت دیگر افسران موجود تھے۔