Home  
    Director General  
    Governing Body  
    Departments  
    KDA Directory  
    Photo Gallery  
    Video Gallery  
       
 
 
       
    KDA Introduction  
    Organization Chart  
    Tender Information  
    Tenders  
    Grand Auction  
    Notifications  
       
 
 
       
    Public Notice  
    Town Map  
    National Holidays  
    Prayer Timings  
       


 
 
 
 
     
  کراچی ڈیولپمنٹ اتھارٹی کے زیر اہتمام شہر بھر میں 72 واں یوم جشن آزادی پرجوش طریقے سے منایا جارہا ہے۔ ڈائریکٹر جنرل ادارہ ترقیات کراچی ڈاکٹر بدر جمیل  
     
  09-Aug-2019  
     
   
     
  کراچی ڈیولپمنٹ اتھارٹی کے زیر اہتمام شہر بھر میں 72 واں یوم جشن آزادی پرجوش طریقے سے منایا جارہا ہے۔ ڈائریکٹر جنرل ادارہ ترقیات کراچی ڈاکٹر بدر جمیل نے اپنے ایک بیان میں کے ڈی اے افسران و ملازمین اور تمام اہل وطن کو جشن آزادی کی مبارک باد دیتے ہوئے کہا کہ 14 اگست 1947ء کو قائد اعظم محمد علی جناح کی مدبرانہ صلاحیتوں، فہم و فراست، غیر متزلزل عزم و ہمت، سیاسی بصیرت اور بے مثل قائدانہ صفات سے مسلمانوں کی بقا و سلامتی کے خاطر آزاد مملکت خداداد پاکستان کی شکل میں معرض وجود میں آیا۔ دو قومی نظریہ کو پاکستان کی بنیاد بناکر قائد اعظم محمد علی جناح نے دیگر اکابرین کے ساتھ آزادی دلائی، قائد کے دیئے گئے نظریہ کے مطابق ملک کی ترقی و خوشحالی میں ہم سب کو مل کر اپنا کردار ادا کرنا چاہئے۔ ڈی جی کے ڈی اے نے افسران وملازمین میں جشن آزادی کے سلسلے میں پاکستانی پرچم، بیجزتقسیم کرتے ہوئے مزید کہا کہ جشن آزادی کے حوالے سے 14 اگست کی صبح پرچم کشائی کی تقریب منعقد کی جائے گی جس سے شہریوں خصوصاً بچوں میں آزادی کے بارے میں آگاہی اور اپنے ملک سے محبت و لگن کا جذبہ بھی پیدا ہوگا۔ عید الاضحی سے قبل کے ڈی اے افسران و ملازمین کی تنخواہوں کی ادائیگی کا عمل مکمل کرنے پر ڈی جی کے ڈی اے نے ممبر فنانس آغا پرویز ڈائریکٹر فنانس و عملے کی کارکردگی کو سراہا۔ ڈی جی کے ڈی اے کی خصوصی ہدایت کے مطابق کے ڈی اے سوک سینٹر کی بلڈنگ کو قومی پرچم، رنگ برنگی جھنڈیاں، برقی قمقموں سے سجایا جائے گا اور یونیورسٹی روڈ سوک سینٹر بلڈنگ کے 2 نمبر گیٹ 14 اگست کو عوام الناس کی آمد کیلئے کھلے رہیں گے جبکہ یوم آزادی کے حوالے سے کراچی ڈیولپمنٹ اتھارٹی کی جانب سے شہریوں میں قومی پرچم، بیجز، کیپ، چوڑیاں ودیگر تحائف تقسیم کئے جائیں گے۔  
     
     
   
     
     

 

 

 

 

 
 
   
 

Copyright © 2016 Karachi Development Authority. All Rights Reserved.
The KDA will not be responsible for the content of external internet sites. / Login  / Webmail