ڈائریکٹر جنرل ادارہ ترقیات کراچی ڈاکٹر سید سیف الرحمان نے کہاسندھ ثقافت ڈے ہر سال کی طرح اس سال بھی ہم سب مل کر اسے شایان شان طریقے سے منائیں گے۔
	23-Nov-2019
	سندھ کی ثقافت پاکستان ہی نہیں بلکہ دنیا کے دیگر ممالک میں بھی اسے قدر کی نگاہ سے دیکھا جاتا ہے۔ سندھ کی ثقافت اورسندھ دھرتی ہماری شان ہے ہمارا جینا مرنا سندھ دھرتی کے ساتھ ہے۔ان خیالات کا اظہار ڈائریکٹر جنرل ادارہ ترقیات کراچی ڈاکٹر سید سیف الرحمان نے اپنے دفتر میں مقامی ٹی وی چینل کو انٹرویو دیتے ہوئے کیا۔انہوں نے کہ کہ ہم سندھ ثقافت پر بہت فخر محسوس کرتے ہیں اور یہ بات خوش آئند ہے کہ ہر سال ماہ دسمبر میں سندھ ثقافت کا دن ثقافتی جوش و جذبے کے ساتھ منایا جاتا ہے جس سے سندھ کی ثقافت کو پاکستان سمیت دنیا بھر میں مزید اجاگر کرنے میں مدد ملتی ہے یہی وجہ ہے کہ ہمیں سندھ ثقافت ڈے کا انتظار رہتا ہے۔انشاء اللہ ہر سال کی طرح اس سال بھی ہم سب مل کر اسے شایان شان طریقے سے منائیں گے۔