ڈائریکٹر جنرل ادارہ ترقیات کراچی ڈاکتڑ سید سیف الرحمان نے پولی کلینک سوک سینٹر میں کے ڈی اے کے مستحق ملازمین کیلئے ایک روزہ مفت آئی کیمپ کے افتتاح کیا۔
	06-Jan-2020
	آنکھیں اللہ کریم کا بہت بڑا تحفہ ہیں ان کی مدد سے ہم قدرت کے حسین نظارے اور دنیا کی خوبصورت و رعنائی سے لطف اندوز ہوتے ہیں۔ یہ بات ڈائریکٹر جنرل ادارہ ترقیات کراچی ڈاکتڑ سید سیف الرحمان نے مقامی آئی اسپتال کے تعاون سے کے ڈی اے ایمپلائز یونین کے تحت پولی کلینک سوک سینٹر میں کے ڈی اے کے مستحق ملازمین کیلئے ایک روزہ مفت آئی کیمپ کے افتتاح کے موقع پر کہی۔ انہوں نے کہا کہ آنکھوں کی حفاظت کیلئے مناسب دیکھ بھال کی جائے اور تکلیف کی صورت میں مستند ڈاکٹر سے معائنہ اور علاج کروایا جائے۔ قبل ازیں ڈاکٹر سید سیف الرحمان نے علاج کیلئے آنے والے مریضوں اورآئی اسپیشلسٹ سے تفصیلات حاصل کیں۔اس موقع پر ڈائریکٹر جنرل نے کے ڈی اے ایمپلائز یونین کی مستحق ملازمین کیلئے کی جانے والی کاوشوں کو سراہتے ہوئے اسے مثبت اقدام قرار دیا۔یونین کے سرپرست اعلیٰ نوید انور صدیقی اور دیگر عہدیداران نے ڈائریکٹر جنرل ڈاکٹر سید سیف الرحمان کی آمد پر ان کا فقید المثال استقبال کیااور پتیاں نچھاور کرتے ہوئے ادارے کیلئے ان کی خدمات پر خراج تحسین پیش کیا۔ اس موقع پر چیف میڈیکل آفیسر شکیل صدیقی، ڈائریکٹر پبلک ریلیشنز رئیس تبسم اور دیگر افسران و ملازمین موجود تھے۔