سیکٹر 48-C کورنگی میں کے ڈی اے کمرشل اراضی پر قائم ناجائز قابضین کے خلاف گرینڈ آپریشن
	08-Jan-2020
	ڈائریکٹر جنرل ادارہ ترقیات کراچی ڈاکٹرسید سیف الرحمان نے کی خصوصی ہدایات پر محکمہ انسداد تجاوزات نے سیکٹر 48-C کورنگی میں کے ڈی اے کمرشل اراضی پر قائم ناجائز قابضین کے خلاف ڈائریکٹر محمد قاسم کی سربراہی اور علاقہ انجینئرز کی نشاندہی پر گرینڈ آپریشن کیا جس کے نتیجے میں پختہ تعمیرات کو بھاری مشینری کے ذریعے مسمار کرکے ادارے کی اراضی کو واگزار کروالیا گیا ۔اس موقع پر کے ڈی اے کی ٹیم کو ناجائز قابضین کی جانب سے مزاحمت کا سامنا کرنا پڑا مگر آپریشن ٹیم نے بغیر کسی دباؤ میں آئے اپنی کاروائی جاری رکھی اور آپریشن کے عمل کو مکمل کیا ۔ واضح رہے کہ ناجائز قابضین سے واگزار کروائی گئی اراضی کو عنقریب نیلام کیا جائے گاجس سے حاصل ہونے والی آمدنی شہر کے بہترین مفاد میں استعمال کی جائے گی۔ ڈائریکٹر جنرل ڈاکٹر سید سیف الرحمان نے اس عزم کا اظہار کیا ہے کہ ناجائز قابضین کے خلاف آپریشن بلا امتیاز جاری رہے گا۔