کس علاقے میں کتنے یونٹس اور دکانیں تیار ہیں تاکہ شفاف طریقے سے انہیں نیلام میں پیش کیا جاسکے۔ڈائریکٹر جنرل ادارہ ترقیات کراچی
	14-Jan-2020
	کسی بھی بورڈ یا کمیٹی کی تشکیل کا مقصد کام کی رفتار کو تیز اور معیار کو بہتر بنانا ہے۔ یہ بات ڈائریکٹر جنرل ادارہ ترقیات کراچی ڈاکٹرسید سیف الرحمان نے ایگزیکٹیو بورڈ پبلک ہاؤسنگ اسکیم کی میٹنگ میں اظہار خیال کرتے ہوئے کہی۔ انہوں نے کہا کہ مقاصد کے حصول کیلئے بہتر حکمت عملی اور جدوجہد کی ضرورت ہے ۔ اس موقع پر متعلقہ ایگزیکٹیو انجینئرز نے اپنے اپنے علاقوں کی موجودہ صورتحال کی تحریری رپورٹس پیش کیں۔ڈائریکٹر جنرل نے اس موقع پرموجود تمام انجینئرز کو ہدایات دیں کہ وہ جمعتہ المبارک تک مکمل رپورٹس فراہم کریں کہ کس علاقے میں کتنے یونٹس اور دکانیں تیار ہیں تاکہ شفاف طریقے سے انہیں نیلام میں پیش کیا جاسکے۔اس موقع پر ممبر فنانس قاضی عبدالقادر، ممبر ایڈمنسٹریشن عبدالقدید منگی، چیف انجینئر نوید اظہار، ڈائریکٹر کوآرڈی نیشن محمد نعیم وحید، ڈائریکٹر مارکیٹنگ ندیم احمد، ایگزیکٹیو انجینئرز طارق رفیع، محسن رضا، ڈائریکٹر پبلک ریلیشنز رئیس تبسم، پرائیوٹ سیکریٹری ریاض احمد راشد اور دیگر افسران نے شرکت کی۔