کراچی کے مختلف علاقوں میں شاندار محل وقوع کے حامل تجارتی پلاٹس کاتین روزہ عظیم الشان نیلام عام بروز منگل ، بدھ اور جمعرات مورخہ 8,7 اور 9 اپریل 2020 ء کو دس بجے دن سوک سینٹر گلشن اقبال کے سبزہ زارپر منعقد ہوگا
	10-Mar-2020
	تمام متعلقہ ایگزیکٹیو انجینئرز کے ڈی اے کے مطلوبہ رہائشی و تجارتی پلاٹس کے نیلام عام سے قبل مذکورہ پلاٹس کی تصاویر کورننگ لیٹر کے ساتھ محکمہ لینڈ ڈپارٹمنٹ کو فوری طور پر مہیا کریں تاکہ نیلام عام سے قبل اور بعد میں تمام معاملات شفاف اور احسن طریقے سے انجام پا سکیں۔ یہ بات ڈائریکٹر جنرل ادارہ ترقیات کراچی ڈاکٹر سید سیف الرحمٰن نے محکمہ انجینئرنگ اور لینڈ ڈپارٹمنٹ کے افسران سے اجلاس کی صدارت کرتے ہوئے کہی۔انہوں نے نیلام عام کی تفصیلات بتاتے ہوئے کہا کہ ادارہ ترقیات کراچی کی جانب سے کراچی کے مختلف علاقوں میں شاندار محل وقوع کے حامل تجارتی پلاٹس کاتین روزہ عظیم الشان نیلام عام بروز منگل ، بدھ اور جمعرات مورخہ 8,7 اور 9 اپریل 2020 ء کو دس بجے دن سوک سینٹر گلشن اقبال کے سبزہ زارپر منعقد ہوگا جس میں کورنگی، نارتھ کراچی، گلستان جوہر، سرجانی ٹاؤن ، ناظم آباد اور کلفٹن کے تقریباً 125سے زائد رہائشی وتجارتی پلاٹس کو نیلام عام کیلئے پیش کیا جائے گا۔اس موقع پر ممبر فنانس قاضی عبدالقادر، ڈائریکٹر لینڈ محمد آصف میمن، چیف انجینئر نوید اظہار،ڈائریکٹر ریکوری محمد رضا قائم خانی، ڈائریکٹر کو آر ڈی نیشن محمد نعیم وحید، ڈائریکٹر اسٹیٹ محمد قاسم،ڈائریکٹر پبلک ریلیشنز رئیس تبسم، پرائیوٹ سیکریٹری ریاض احمد راشد اور متعلقہ ایگزیکٹیو انجینئرزنے شرکت کی۔
	News Photo Gallery