کرونا وائرس سے بچاؤ اور احتیاط کے پیش نظر سوک سینٹر کے تمام فلور پر ادارے کے ملازمین اور آفیسرز کے علاوہ غیر متعلقہ افراد کے داخلے پر مکمل پابندی عائد کردی ہے
	19-Mar-2020
	ڈائریکٹر جنرل ادارہ ترقیات کراچی ڈاکٹر سید سیف الرحمٰن نے حکومت سندھ کی ہدایات کے مطابق عوام الناس اور ادارے کے ملازمین کو کرونا وائرس سے بچاؤ اور احتیاط کے پیش نظر سوک سینٹر کے تمام فلور پر ادارے کے ملازمین اور آفیسرز کے علاوہ غیر متعلقہ افراد کے داخلے پر مکمل پابندی عائد کردی ہے جبکہ جائیداد کے متعلقہ امور کی انجام دہی کیلئے سوک سینٹر گراؤنڈ فلورپر پہلے سے موجود کاؤنٹرپرپبلک ڈیلنگ جاری ہے۔ کرونا وائرس سے بچاؤ کیلئے عنقریب ماسک اور سنیٹائزر کا انتظام کیا جارہا ہے جبکہ ادارے کے تمام ملازمین کو ہدایت دی گئی ہے کہ وہ اپنی شناخت کیلئے دفتری کارڈ کو نمایاں طور پر گلے میں آویزاں کریں۔