کے ڈی اے ملازمین کے بچوں کے لیے یوم آزادی کے موقع پر فیسٹیول اور فن گالا کا اہتمام
	18-Aug-2017
	اسپورٹس کمیٹی کے ڈی اے فلیٹس نارتھ ناظم آباد میں جشن آزادی فن گالا کا انعقاد کیا گیا جس میں کے ڈی اے ملازمین کے بچوں کے لیے یوم آزادی کے موقع پر فیسٹیول اور فن گالا کا اہتمام کیا گیا جس میں کثیر تعداد میں بچوں نے شرکت کی۔ فن گالا میں بچوں کے لیے سائیکل ریس، اسپون ریس، بچے اور بچیوں کے لیے دوڑ، چھوٹے بڑے لڑکوں کے لیے فٹ بال ،کرکٹ ،ملی نغموں کے مقابلے اور دیگر کھیلوں کا انعقاد بھی ہوا۔ نمایاں پوزیشن حاصل کرنے والے بچوں میں میڈل اور شیلڈ تقسیم کی گئیں۔تقریب میںعلائقہ کے معززین میں چن زیب ایڈوکیٹ، اظہر مجید بٹ، دلاور خان، فرمان شاہ اور دیگر نے شرکت کی جنہوں نے بچوں میں میڈل اور شیلڈ تقسیم کی۔ علائقے کے معززین نے جشن آزادی فن گالا منعقد کرانے پر کمیٹی اراکین نبیل احمد، فرحان شاہ، محمد زبیر، ذیشان، صدام، ارسلان، زیں اور عمران کی کوششوں کو سراہا۔