کے ڈی اے اسکیموں اور ٹائون شپس کے تمام پلاٹوں کی فائلوں کی فوری کمپیوٹرائزیشن کرنے کی ہدایت۔ ڈائریکٹر جنرل ادارہ ترقیات کراچی سمیع الدین صدیقی ۔
	26-Oct-2017
	ڈائریکٹر جنرل ادارہ ترقیات کراچی سمیع الدین صدیقی نے کے ڈی اے اسکیموں اور ٹائون شپس کے تمام پلاٹوں کی فائلوں کی فوری کمپیوٹرائزیشن کرنے کی ہدایت کی ہے۔ ڈائریکٹر لینڈ کے ڈی اے کو جاری کئے گئے احکامات کے مطابق ڈی جی کے ڈی اے نے کہا ہے کہ پلاٹوں کا ریکارڈ کراچی کے شہریوں خصوصاً الاٹیز کی امانت ہے۔ پلاٹوں سے متعلق تمام ڈائریکٹرز کو قانون کے مطابق مکمل شفافیت سے انجام دینا اور پلاٹوں کے ریکارڈ کی حفاظت کے لئے کے ڈی اے کی ذمہ داری ہے۔ اس لئے پلاٹوں کے ریکارڈ کی کمپیوٹرائزیشن ترجیحی بنیادوں پر مکمل کی جائے۔ آئندہ کوئی بھی فائل کمپیوٹرائزڈ کئے بغیر اس پر کارروائی نہ کی جائے۔ ڈی جی کے ڈی اے نے ڈائریکٹر ریکوریز کو مزید ہدایت کی کہ آئندہ سے کوئی چالان مینول نہ بنایا جائے اور اس بات کو یقینی بنایا جائے کہ تمام چالان کمپیوٹرائزڈ کے ذریعے جاری ہوں۔ انہوں نے ڈائریکٹر آئی ٹی کے ڈی اے کو ہدایت کی کہ پلاٹوں کے ریکارڈ کی کمپیوٹرائزیشن ترجیحی بنیادوں پر مکمل کی جائے۔