شہریوں کو تفریح گاہ اور کھیلوں کے میدان آباد کرنے کے لئے عملی اقدامات کئے جارہے ہیں، ڈائریکٹر جنرل ادارہ ترقیات کراچی سمیع الدین صدیقی
	22-Nov-2017
	ڈائریکٹر جنرل ادارہ ترقیات کراچی سمیع الدین صدیقینے کہا ہے کہ کراچی ڈیولپمنٹ اتھارٹی شہریوں کو ہر ممکن سہولیات فراہم کرنے کے لئے کوشاں ہے، اس حوالے سے مزید بہتری کے لئے اقدامات کئے جارہے ہیں، جس کے اثرات بہت جلد نمایاں ہوں گے۔ یہ بات ڈی جی کے ڈی اے نے سوک سینٹر میں موجود اپنے دفتر میں شہریوں سے ملاقات کے دوران کہی۔ اس موقع پر ڈی جی کے ڈی اے نے شہریوں کے جائز مسائل حل کرنے کے لئے احکامات جاری کئے۔ ڈی جی کے ڈی اے نے شہریوں سے بات چیت کرتے ہوئے کہا کہ ادارہ شہریوں کے ساتھ ہر ممکن تعاون جاری رکھے گا جبکہ میں خود ذاتی طور پر تمام معاملات کی نگرانی کروں گا۔ انہوں نے کہا کہ شہر کی ترقی میں ادارہ کے ساتھ شہریوں کا کردار اہم ہے، ذاتی رنجشوں کو بالائے طاق رکھ کر شہر کی ترقی میں ہم سب کو اپنا کردار ادا کرنا چاہئے۔ انہوں نے مزید کہا کہ شہریوں کو تفریح گاہ اور کھیلوں کے میدان آباد کرنے کے لئے عملی اقدامات کئے جارہے ہیں، شہر قائد کی روشنیوں اور شہریوں کی فلاح و بہبود کے لئے تمام تر وسائل کو بروئے کار لایا جارہا ہے۔ملاقات کے دوران ڈی جی کے ڈی اے کے ہمراہ سیکریٹری کے ڈی اے توفیق احمد سومرو، ڈائریکٹر فنانس شمشیر احمد خان چیف سیکورٹی آفیسر رائو محمد طارق، پرسنل اسٹاف آفیسر ندیم زائد، پرائیویٹ سیکریٹری ریاض احمد راشد، میڈیا کو آرڈی نیٹر فرمان شاہ و دیگر افسران موجود تھے۔