Home  
    Director General  
    Governing Body  
    Departments  
    KDA Directory  
    Photo Gallery  
    Video Gallery  
       
 
 
       
    KDA Introduction  
    Organization Chart  
    Tender Information  
    Tenders  
    Grand Auction  
    Notifications  
       
 
 
       
    Public Notice  
    Town Map  
    National Holidays  
    Prayer Timings  
       


 
 
 
 
     
  شہر بھر میں کے ڈی اے اراضی پر قائم غیر قانونی تعمیرات کو منہدم کرنے کے لئے آپریشن کو منطقی انجام تک پہنچانے کے لئے سختی سے ہدایات پر عمل درآمد کرنے کے احکامات جاری۔  
     
  29-Nov-2017  
     
   
     
  ڈائریکٹرجنرل ادارہ ترقیات کراچی سمیع الدین صدیقی نے سپریم کورٹ کے احکامات کی روشنی میں شہر بھر میں کے ڈی اے اراضی پر قائم غیر قانونی تعمیرات کو منہدم کرنے کے لئے آپریشن کو منطقی انجام تک پہنچانے کے لئے سختی سے ہدایات پر عمل درآمد کرنے کے احکامات جاری کئے ہیں۔ ترجمان کے مطابق ڈی جی کے ڈی سمیع الدین صدیقی قبضہ مافیا کے خلاف جاری آپریشن کی مانیٹرنگ کررہے ہیں اور وقتاً فوقتاً آپریشن کے حوالے سے کئے جانے والے اقدامات کا جائزہ لے رہے ہیں۔ ترجمان کا کہنا ہے کہ ڈی جی کے ڈی اے نے ڈائریکٹر اسٹیٹ اینڈ انفورنسمنٹ کو کے ڈی اے اراضی واگزار کرانے کے لئے مکمل اختیارات دیئے ہیں اس سلسلے میں کسی دبائو کو کسی صورت قبول نہیں کیاجائے گا۔ ترجمان کے مطابق ڈی جی کے ڈی اے نے تجاوزات کے خلاف 3 دن سے جاری آپریشن پر اطمینان کا اظہار کرتے ہوئے ہدایت جاری کی کہ تجاوزات کے خلاف آپریشن کو مزید تیز کرنے اور واگزار کرائی گئی کے ڈی اے اراضی محفوظ رکھنے کے لئے اقدامات کئے جائیں اس سلسلے میں متعلقہ حکام کی کسی غفلت یا کوتاہی کو برداشت نہیں کیا جائے گا۔ اس حوالے سے آج کے ڈی اے محکمہ اسٹیٹ اینڈ انفورنسمنٹ کے عملے نے سرجانی ٹائون اور نارتھ کراچی میں مقامی پولیس و انتظامیہ کے تعاون سے کے ڈی اے اراضی پر قائم تجاوزات کے خلاف بڑے پیمانے پر کارروائی کرکے اراضی واگزار کرائی۔ ڈائریکٹر اسٹیٹ اینڈ انفورنسمنٹ رضا محمدقائم خانی کی سربراہی میں سرجانی ٹائون سیکٹر 6-B، 10-B اور 10/1-B اور نارتھ کراچی سیکٹر 5-E، 5-B میں واقع غیر قانونی تقریباً 150 سے زائد رہائشی و کمرشل پلاٹس اور نارتھ کراچی میں 25 سے زائد غیر قانونی رہائشی و کمرشل پلاٹس، شادی ہالز، اسپتالز کو بھاری مشینری کے ذریعے مسمار کرکے کے ڈی اے اراضی واگزار کراکے مستقل بنیادوں پر نگرانی نظام نافذ کردیا گیا۔ آپریشن کے دوران ڈائریکٹر اسٹیٹ اینڈ انفورنسمنٹ رضا محمد قائم خانی، ایڈیشنل ڈائریکٹر اسٹیٹ اینڈ انفورنسمنٹ عرفان یوسف زئی، ایگزیکٹو انجینئر نارتھ کراچی عارف شاہ، ایگزیکٹو انجینئر سرجانی ٹائون انور عباس، میڈیا کو آرڈی نیٹر فرمان شاہ و دیگر افسران موجود تھے۔  
     
     
   
     
     

 

 

 

 

 
 
   
 

Copyright © 2016 Karachi Development Authority. All Rights Reserved.
The KDA will not be responsible for the content of external internet sites. / Login  / Webmail