کے ڈی اے اراضی پر کھیلوں کے میدان آباد کرنے کے لئے ہنگامی بنیادوں پر اقدامات کئے جارہے ہیں۔ڈائریکٹر جنرل ادارہ ترقیات کراچی سمیع الدین صدیقی
	30-Nov-2017
	ڈائریکٹر جنرل ادارہ ترقیات کراچی سمیع الدین صدیقی نے کہا ہے کہ کھیلوں کو فروغ دینے کے لئے ادارہ اپنی تمام تر توانائیاں صرف کررہا ہے۔ مختلف کے ڈی اے اراضی پر کھیلوں کے میدان آباد کرنے کے لئے ہنگامی بنیادوں پر اقدامات کئے جارہے ہیں۔ یہ بات ڈی جی کے ڈی اے سمیع الدین صدیقی نے کے ڈی اے ہاکی ٹیم کے کھلاڑیوں کی حوصلہ افزائی کرنے کی تقریب سے خطاب کرتے ہوئے کہی۔ اس موقع پر ڈی جی کے ڈی اے نے کے ڈی اے ہاکی ٹیم کے کھلاڑیوں کو ماہانہ تنخواہ کے چیک تقسیم کئے۔ ڈی جی کے ڈی اے نے ڈائریکٹر فنانس کو ہدایات جاری کی کہ آئندہ کھلاڑیوں کو بروقت تنخواہ کی ادائیگی یقینی بنائی جائے۔ ڈی جی کے ڈی اے نے تقریب سے خطاب کرتے ہوئے کہا کہ کھلاڑی اپنی کارکردگی میں مزید نکھار پیدا کریں اور قومی ہاکی ٹیم میں منتخب ہونے والے کھلاڑی کو 5 لاکھ روپے ادارہ کی جانب سے دیئے جائیں گے۔ کراچی ڈیولپمنٹ اتھارٹی مختلف کھیلوں کی سرگرمیوں کو وسیع کرنے کے لئے اپنا بھرپور کردار ادا کررہی ہے۔ ڈی جی کے ڈی اے نے کے ڈی اے ہاکی ٹیم کی بحالی پر ڈاکٹر جنید علی شاہ کی کارکردگی کو سراہتے ہوئے اسپورٹس کو آرڈی نیٹر تعینات کرنے کے احکامات جاری کئے۔ ڈی جی کے ڈی اے نے اس موقع پر کہا کہ جلد ہی کرکٹ ٹیم کا انتخاب کیا جائے گا اور کھلاڑیوں کی حوصلہ افزائی کے لئے ادارہ اپنا تعاون جاری رکھے گا۔ بعدازاں ڈاکٹر علی فرحان نے کے ڈی اے ہاکی ٹیم کے کھلاڑیوں کے لئے 1 لاکھ روپے دینے کا اعلان کیا۔تقریب میں ڈی جی کے ڈی اے کے ہمراہ ڈائریکٹر اسپورٹس خرم عارف، صدر کراچی ہاکی ایسوسی ایشن ڈاکٹر جنید علی، چیئرمین گلفراز احمد خان، سیکریٹری حیدر حسین، نائب صدر اعجاز الدین، عبدالعظیم خان، ڈاکٹر ایس اے ماجد، ڈاکٹر علی فرحان، میڈیا کو آرڈی نیٹر فرمان شاہ و دیگر افسران موجود تھے۔
	News Photo Gallery