شہر بھر میں کے ڈی اے کی مختلف اراضی پر قائم تجاوزات کے خلاف بھرپور آپریشن جاری ہے۔ڈائریکٹر اسٹیٹ اینڈ انفورنسمنٹ
	06-Dec-2017
	ڈائریکٹر جنرل ادارہ ترقیات کراچی سمیع الدین صدیقی کی خصوصی ہدایت پر شہر بھر میں کے ڈی اے کی مختلف اراضی پر قائم تجاوزات کے خلاف بھرپور آپریشن جاری ہے۔ آپریشن کی مانیٹرنگ روزانہ کی بنیاد پر ذاتی طور پر ڈی جی کے ڈی اے سمیع الدین صدیقی کررہے ہیں۔گزشتہ دس روز سے جاری آپریشن میں بڑے پیمانے پر کامیابی حاصل کی گئیں، ترجمان کے مطابق ڈی جی کے ڈی اے نے کہا ہے کہ تجاوزات کے خلاف آپریشن کو مزید تیز اور آپریشن کو آخری مراحل تک جاری رکھا جائے گا۔آپریشن کے دوران رکاوٹوں کو خاطر میں لائے بغیرتجاوزات کا خاتمہ کیا جائے، ضرورت پڑنے قانون نافذ کرنے والے اداروں سے تعاون حاصل کیا جائے۔ڈائریکٹر اسٹیٹ اینڈ انفورنسمنٹ کی سربراہی میں سرجانی ٹائون سیکٹر L-1 ،سیکٹر 5 اور 6 میں قائم غیر قانونی رہائشی و کمرشل پلاٹس کو مقامی پولیس کی موجودگی میں بھاری مشینری کے ذریعے مسمار کیا گیا، واگزار کرائی گئی کے ڈی اے اراضی کو محفوظ بنانے کے لئے فی الفور نگرانی نظام نافذ کردیا گیا ہے۔ آپریشن کے دوران ڈائریکٹر اسٹیٹ اینڈ انفورنسمنٹ رضا محمد قائم خانی، ایڈیشنل ڈائریکٹر اسٹیٹ اینڈ انفورنسمنٹ عرفان یوسف زئی، ایگزیکٹو انجینئر سرجانی ٹائون انور عباس ودیگر افسران موجود تھے۔