ڈائریکٹر جنرل ادارہ ترقیات کراچی سمیع الدین صدیقی کی خصوصی ہدایت کی روشنی میں کے ڈی اے اراضی پر قائم غیر قانونی تعمیرات کو مسمار کرنے کے لئے بھرپور قوت سے آپریشن جاری ۔
	11-Dec-2017
	ڈائریکٹر جنرل ادارہ ترقیات کراچی سمیع الدین صدیقی کی خصوصی ہدایت کی روشنی میں متعلقہ محکمہ اسٹیٹ اینڈ انفورنسمنٹ کا عملہ شہر بھر میں کے ڈی اے اراضی پر قائم غیر قانونی تعمیرات کو مسمار کرنے کے لئے بھرپور قوت سے آپریشن کررہا ہے، آپریشن کا سلسلہ مکمل کے ڈی اے اراضی واگزار کرانے تک جاری رہے گا۔ ڈائریکٹر اسٹیٹ اینڈ انفورنسمنٹ کی سربراہی میںگلشن اقبال اور گلستان جوہر میں قائم تجاوزات کے خلاف بھرپور قوت کے ساتھ بلا تفریق آپریشن جاری ہے، آج گلستان جوہر میں پلاٹ نمبر ST-32/Aبلاک 15،ST-7 بلاک 1 ،جب کے گلشن اقبال میں ST-4 بلاک 3 ، ST-4 بلاک 5 ، ST-20 بلاک 5 ،ST-16 بلاک 5 ، ST-3 بلا ک6 ،ST-21/A بلاک 6 ،ST-9/A بلاک 7 میں غیر قانونی شادی ہالز ، پلے گرائونڈ اور پارکس و رہائشی و کمرشل پلاٹس جوکہ غیر قانونی تعمیر ات تھے، پولیس، رینجرز اور مقامی انتظامیہ کی موجودگی میں بھاری مشینری کے ذریعے منہدم کردیا گیا۔ گلستان جوہراور گلشن اقبال میں تجاوزات کے خلاف آپریشن کی نگرانی ڈی جی کے ڈی اے سمیع الدین صدیقی کررہے ہیںاور موقع پرموجودتھے۔ ڈائریکٹر جنرل ادارہ ترقیات کراچی سمیع الدین صدیقی شہر بھر میں قبضہ مافیا کے خلاف مستقل بنیادوں پر آپریشن جاری رہے گا، اور کسی بھی قسم کے دبائو کو خاطر میں لائے بغیر آپریشن کو منطقی انجام تک پہنچایا جائے جبکہ واگزار اراضی کو قبضہ مافیا سے محفوظ بنانے کے لئے نگرانی کا نظام نافذ کردیا گیا ہے۔ آپریشن کے دوران ڈی جی کے ڈی اے کے ہمراہ ڈائریکٹر اسٹیٹ اینڈ انفورنسمنٹ رضا محمد قائم خانی، ایڈیشنل ڈائریکٹر اسٹیٹ اینڈ انفورنسمنٹ عرفان یوسف زئی و دیگر افسران موجود تھے۔
	News Photo Gallery