محکمہ اسٹیٹ اینڈ انفورنسمنٹ کے ڈی اے اراضی پر قائم غیر قانونی تعمیرات کو مسمار کرنے کے لئے بھرپور قوت سے آپریشن کررہا ہے۔ڈائریکٹر جنرل ادارہ ترقیات کراچی
	18-Dec-2017
	ڈائریکٹر جنرل ادارہ ترقیات کراچی سمیع الدین صدیقی کی خصوصی ہدایت کی روشنی میں متعلقہ محکمہ اسٹیٹ اینڈ انفورنسمنٹ کا عملہ شہر بھر میں کے ڈی اے اراضی پر قائم غیر قانونی تعمیرات کو مسمار کرنے کے لئے بھرپور قوت سے آپریشن کررہا ہے۔ واضح رہے کہ سپریم کورٹ کی ہدایت اور حکومت سندھ کے تعاون سے ڈائریکٹر جنرل ادارہ ترقیات کراچی سمیع الدین صدیقی بذات خود آپریشن کی مانیٹرنگ کررہے بلکہ وقتاً فوقتاً محکمہ اسٹیٹ اینڈ انفورنسمنٹ کے ڈائریکٹر سے تفصیلی بریفنگ لے رہے ہیں۔ ترجمان کے مطابق ڈی جی کے ڈی اے کا کہنا ہے کہ خاطر خواہ کامیابیوں کے باوجود بلا تفریق تجاوزات کے خلاف آپریشن منطقی انجام تک جاری رہے گا۔ ڈائریکٹر اسٹیٹ اینڈ انفورنسمنٹ کی سربراہی میںگلشن اقبال اور فیڈرل بی ایریا میں قائم تجاوزات کے خلاف بھرپور قوت کے ساتھ بلا تفریق آپریشن جاری ہے، آج گلشن اقبال میں واقع صادقین ہال جبکہ یاسین آباد فیڈرل بی ایریا میں رفاہی پلاٹس اور انڈسٹریل پلاٹس پر قائم شادی ہالز اور اسپتالز جوکہ غیر قانونی تعمیر ات تھے، پولیس، رینجرز اور مقامی انتظامیہ کی موجودگی میں بھاری مشینری کے ذریعے مسمار کردیئے گئے۔ ڈائریکٹر اسٹیٹ اینڈ انفورنسمنٹ رضا محمد قائم خانی، ایڈیشنل ڈائریکٹر اسٹیٹ اینڈ انفورنسمنٹ عرفان یوسف زئی، ایگزیکٹو انجینئر نارتھ کراچی عارف شاہ، و دیگر افسران موجود تھے۔