متعلقہ ایگزیکٹو انجینئرز غیرقانونی تعمیرات کے بارے میں مکمل رپورٹ پیش کریں تاکہ تجاوزات کے مکمل خاتمہ کے لئے لائحہ عمل طے کیا جاسکے۔عبدالقدیر منگی
	20-Dec-2017
	ڈائریکٹر جنرل ادارہ ترقیات کراچی سمیع الدین صدیقی کی خصوصی ہدایت پر ڈائریکٹر لینڈ مینجمنٹ عبدالقدیر منگی کی زیر صدارت ہنگامی اجلاس طلب کیا گیا۔ اجلاس میں عبدالقدیر منگی نے ڈی جی کے ڈی اے کے احکامات کی روشنی میں تجاوزات کے خلاف جاری آپریشن کے بارے میں مکمل بریفنگ لی۔ اس موقع پر ڈائریکٹر لینڈ مینجمنٹ عبدالقدیر منگی نے کہا کہ متعلقہ ایگزیکٹو انجینئرز آپریشن کے باعث پیش ہونے والی پیش رفت اور قبضہ مافیا سے واگزار کرائی گئی اراضی کو محفوظ بنانے کے لئے اقدامات کی جامعہ رپورٹ پیش کریں۔ انہوں نے مزید کہا کہ ڈی جی کے ڈی اے سمیع الدین صدیقی کی واضح ہدایات پر عمل کرتے ہوئے اسٹیٹ اینڈ انفورنسمنٹ کا عملہ شہر بھر میں جاری آپریشن کو مزید تیز کرنے کے لئے اقدامات کرے ، آپریشن کے دوران راہ میں حائل رکاوٹوں کو دور کرنے کے لئے قانون نافذ کرنے والے اداروں سے تعاون حاصل کیا جائے اور آپریشن کو منطقی انجام تک پہنچایا جائے۔ متعلقہ ایگزیکٹو انجینئرز اسکیموں میں قائم غیر قانونی تعمیرات کے بارے میں مکمل رپورٹ پیش کریں تاکہ تجاوزات کے مکمل خاتمہ کے لئے لائحہ عمل طے کیا جاسکے۔ اجلاس میں ایڈیشنل ڈائریکٹر لینڈ خالد ہاشمی، ایگزیکٹو انجینئر سرجانی ٹائون انور عباس، ایگزیکٹو انجینئر نارتھ کراچی عارف شاہ، ایگزیکٹو انجینئر اسکیم گلستان جوہر غلام محمد، ایگزیکٹو انجینئر کلفٹن ایس۔ ایم طارق، ڈی جی کے ڈی اے ٹو پرائیویٹ سیکریٹری ریاض احمد راشد، میڈیا کو آرڈی نیٹر فرمان شاہ و دیگر افسران شامل تھے۔