لانڈھی میں قائم تجاوزات کے خلاف بڑے پیمانے پر کارروائی کی گئی۔ڈائریکٹر اسٹیٹ اینڈ انفورنسمنٹ
	28-Dec-2017
	ڈائریکٹر جنرل ادارہ ترقیات کراچی سمیع الدین صدیقی کی خصوصی ہدایت کی روشنی میں متعلقہ محکمہ اسٹیٹ اینڈ انفورنسمنٹ کا عملہ شہر بھر میں کے ڈی اے اراضی پر قائم غیر قانونی تعمیرات کو مسمار کرنے کے لئے بھرپور قوت سے بلا تفریق آپریشن کررہا ہے۔ واضح رہے کہ سپریم کورٹ کی ہدایت اور حکومت سندھ کے تعاون سے قبضہ مافیا کا قلع قمع کرنے کے لئے ادارہ ترقیات کراچی کا محکمہ اسٹیٹ اینڈ انفورنسمنٹ کا عملہ تمام تر توانائیاں صرف کررہا ہے جبکہ ڈائریکٹر جنرل ادارہ ترقیات کراچی سمیع الدین صدیقی بذات خود آپریشن کی مانیٹرنگ کررہے ہیں اور وقتاً فوقتاً ڈی جی کے ڈی اے کو پیش رفت سے آگاہ کیا جارہا ہے۔ ڈائریکٹر اسٹیٹ اینڈ انفورنسمنٹ کی سربراہی میں لانڈھی میں قائم تجاوزات کے خلاف بڑے پیمانے پر کارروائی کی گئی۔رواں ہفتے لانڈھی ST-16 سیکٹر 43-B ، ST-13/A سیکٹر 36-B، 36-Dمیں رفاہی پلاٹس جوکہ میڈیکل کالج اور کھیل کے میدان کے لئے مختص کئے گئے تھے ،پر قائم غیر قانونی شادی ہالز پولیس، رینجرز اور مقامی انتظامیہ کی موجودگی میں بھاری مشینری کے ذریعے مسمار کردیئے گئے،واگزار کرائی گئی کے ڈی اے اراضی پر مستقبل قریب میں قبضہ مافیا سے محفوظ رکھنے کے لئے فی الفور نگرانی نظام نافذ کردیا گیا ہے۔ڈائریکٹر اسٹیٹ اینڈ انفور نسمنٹ رضا محمد قائم خانی، ایگزیکٹو انجینئر و دیگر افسران موجود تھے۔
	News Photo Gallery