کسی قسم کی چائنا کٹنگ برداشت نہیں کی جائے گی اور نہ ہی کسی قسم کا دبائو قبول ہوگاآپریشن کو منطقی انجام تک پہنچایا جائے۔ڈائریکٹر جنرل ادارہ ترقیات کراچی سمیع الدین صدیقی
	01-Jan-2018
	ڈائریکٹر جنرل ادارہ ترقیات کراچی سمیع الدین صدیقی نے کہا کہ کسی قسم کی چائنا کٹنگ برداشت نہیں کی جائے گی اور نہ ہی کسی قسم کا دبائو قبول ہوگاآپریشن کو منطقی انجام تک پہنچایا جائے یہ بات ڈی جی کے ڈی اے نے اجلاس کی صدارت کے دوران کہی ،ڈی جی کے ڈی اے نے ڈائریکٹر اسٹیٹ اینڈ انفورنسمٹ کو ہدایت کی کہ تمام وا گزار کرائے گئے گرائونڈ ز کا قبضہ ڈائریکٹر اسپورٹس کے حوالے کیا جائے اور ڈائریکٹر اسپورٹس کو ہدایت کی کہ کھیل کے میدانوں کو آباد کیا جائے۔ ڈی جی کے ڈی اے نے مزید کہا کہ رفاہی پلاٹوں کو کمرشل استعمال کسی صورت برداشت نہیں کیا جائے گا، تمام ایگزیکٹو انجینئرز کو ہدایات کی اپنی اسکیموں میں کمرشل پلاٹوں کی نشاندہی کرے تاکہ ان کو نیلام کر کے ادارے کی آمدنی میں اضافہ کیا جا سکے۔اجلاس میں گزشتہ ایک مہینے کے دوران ہونے والی انکروچمنٹ سے متعلق ڈائریکٹر اسٹیٹ اینڈ انفورنسمٹ رضا محمد قائم خانی نے ڈی جی کے ڈی کے کے احکامات کی روشنی میں تجاوزات کے خلاف جاری آپریشن کے بارے میں مکمل بریفنگ دی، اس موقع پر ڈائریکٹر اسٹیٹ اینڈ انفورنسمٹ رضا محمد قائم خانی نے کہا کہ متعلقہ ایگزیکٹو انجینئرز آپریشن کے باعث پیش ہونے والی پیش رفت اور قبضہ مافیا سے وا گزار کرائی گئی اراضی کو محفوظ بنانے کے لئے اقدامات کی جامعہ رپورٹ پیش کریں۔انہوں نے مزید کہا کہ ڈی جی کے ڈی اے سمیع الدین صدیقی کی واضع ہدایات پر عمل کرتے ہوئے اسٹیٹ اینڈ انفورنسمٹ کا عملہ شہر بھر میں جاری آپریشن کو مزید تیز کرنے کے لئے کوشاں ہے۔ڈی جی کے ڈی اے کے ہمراہ چیف انجینئر رام چند ، ڈائریکٹر اسٹیٹ اینڈ انفورنسمٹ رضا محمد قائم خانی، ڈائریکٹر اسپورٹس خرم عارف، ڈائریکٹر لینڈسیدارشدعباس ، ایگزیکٹو انجینئر نارتھ کراچی عارف شاہ، ایگزیکٹو انجینئر کلفٹن ایس ایم طارق، ایگزیکٹو انجینئر گلستان جوہر غلام محمد ، ایگزیکٹو انجینئرسرجانی انور عباس اور دیگر افسران موجود تھے۔