ڈی جی کے ڈی اے کے وژن کے مطابق شہر کی تعمیر و ترقی میں ادارہ اپنی تمام تر توانائیاں صرف کررہا ہے۔چیف انجینئر رام چند
	19-Apr-2018
	ڈائریکٹر جنرل ادارہ ترقیات کراچی سمیع الدین صدیقی کی ہدایت پر کے ڈی اے چیف انجینئر رام چند نے عبدالکبیر قاضی کی قیادت پلاننگ اینڈ ڈیولپمنٹ ڈپارٹمنٹ گورنمنٹ آف سندھ کے وفد سے سوک سینٹر کانفرنس روم میں ملاقات کی۔ اس موقع پر چیف انجینئر رام چند نے ادارہ ترقیات کراچی کو درپیش مسائل سے وفد کو تفصیلی آگاہ کیا۔ چیف انجینئر رام چند نے کہا کہ ڈی جی کے ڈی اے کے وژن کے مطابق شہر کی تعمیر و ترقی میں ادارہ اپنی تمام تر توانائیاں صرف کررہا ہے۔ شہر کراچی میں 4سے زائد رہائشی اسکیمیں فراہم کرنے کے لئے پی سی ون تیار کیا جارہا ہے جبکہ کے ڈی اے اراضی پر قائم تجاوزات کا خاتمہ کرنے کے لئے کراچی کی تاریخ میں پہلی بار بلا تفریق وسیع پیمانے پر آپریشن کا آغاز کیا گیا جس میں خاطر خواہ کامیابی حاصل کی گئی۔ ضرورت اس امر کی ہے کہ شہر کی ترقی اور شہریوں کے بنیادی حقوق فراہم کرنے کے لئے کراچی ڈیولپمنٹ اتھارٹی کو اختیارات دیئے جائیں۔ بعدازاں پلاننگ اینڈ ڈیولپمنٹ گورنمنٹ آف سندھ کے وفد نے یقین دہانی کراتے ہوئے کہا کہ کے ڈی اے کی جائز سفارشات کو نہ صرف اعلیٰ حکام تک پہنچایا جائے گا بلکہ ادارہ ترقیات کراچی کو اپنے پیروں پر کھڑا کرنے کے لئے اپنا بھرپور تعاون جاری رکھا جائے گا۔ وفد میں عبدالکبیر قاضی، مقصود احمد لیگل، ابرار بشیر سینئر منیجر، عظیمہ ناصرڈپٹی ڈائریکٹر، نابش اختر ڈپٹی ڈائریکٹر جبکہ کے ڈ ی اے وفد میں ڈائریکٹر ٹریفک انجینئرنگ بیورو قاضی عبدالقدیر، سیکریٹری کے ڈی اے فضیل بخاری، ڈائریکٹر فنانس اینڈ اکائونٹس حامد حسین رضوی، ڈائریکٹر آئی ٹی سید کمال احمد، ڈائریکٹر مارکیٹنگ ندیم احمد صدیقی، ڈائریکٹر لینڈ مینجمنٹ سید ارشد عباس و دیگر افسران شامل تھے۔