کے ڈی اے کرکٹ ٹیم اور کراچی واٹر اینڈ سیوریج بورڈ کرکٹ ٹیم کے مابین ایسٹرن کرکٹ گرائونڈ میں گزشتہ روز دوستانہ میچ کھیلا گیا۔
	03-Jul-2018
	کے ڈی اے کرکٹ ٹیم اور کراچی واٹر اینڈ سیوریج بورڈ کرکٹ ٹیم کے مابین ایسٹرن کرکٹ گرائونڈ میں گزشتہ روز دوستانہ میچ کھیلا گیا۔ کے ڈی اے کرکٹ ٹیم نے واٹر اینڈ سیوریج بورڈ کی مضبوط ترین ٹیم کو باآسانی شکست سے دوچار کیا۔ کے ڈی اے کرکٹ ٹیم نے ٹاس جیت کر واٹر اینڈسیوریج بورڈ کو پہلے کھیلنے کی دعوت دی۔ واٹر اینڈ سیوریج بورڈ نے پہلے کھیلتے ہوئے 20 اوورز 8 وکٹوں کے نقصان پر 119 رنز کا ہدف دیا۔ کے ڈی اے کرکٹ ٹیم کی طرف سے عبدالکریم اور بابت خان نے 2,2 وکٹیں حاصل کیں۔ جواب میں کے ڈی اے کرکٹ ٹیم نے 14 اوورزمیں 3 وکٹوں کے نقصان پر مطلوبہ ہدف بآسانی حاصل کرلیا۔ کے ڈی اے کرکٹ ٹیم کی جانب سے سارم 50 اور عاشر 36 رنز بناکر نمایاں رہے۔ سارم کو بہترین کارکردگی پر میچ کا بہترین کھلاڑی قرار دیا گیا۔