شہر بھر میں کے ڈی اے اراضی پر قائم تفریحی پارکس اور کھیل کے میدانوں کو آباد کرنے کے لئے ترجیحی بنیادوں پر اقدامات کئے جارہے ہیں۔
	27-Jul-2018
	ڈائریکٹر جنرل ادارہ ترقیات کراچی سمیع الدین صدیقی کی خصوصی ہدایت پر گلستان جوہرST-8 بلاک 14 اسکیم 36 پر قائم تفریحی پارک کو قبضہ مافیا سے واگزار کراکے پارک کو اصلی حالت میں لایا گیا ہے۔ ڈی جی کے ڈی اے کو گلستان جوہر کے مکینوں کی جانب سے شکایات موصول ہوئیں تھی جس کی بناء پرڈائریکٹر پارکس اینڈ ریکریشن کے عملے نے فوری طور پر کارروائی کی اور واگزار کرائے گئے تفریحی پارک کو شہریوں کے لئے کھول دیا گیا۔ ڈی جی کے ڈی اے نے ڈائریکٹر پارکس اینڈ ریکریشن کے عملے کی کارکردگی کو سراہتے ہوئے کہا کہ شہریوں کو تفریحی اور صحتمندانہ ماحول فراہم کرنے کے لئے ادارہ ترقیات کراچی اپنی تمام تر توانائیاں صرف کررہا ہے، شہر بھر میں کے ڈی اے اراضی پر قائم تفریحی پارکس اور کھیل کے میدانوں کو آباد کرنے کے لئے ترجیحی بنیادوں پر اقدامات کئے جارہے ہیں۔ واگزار کرائے گئے تفریحی پارک کا ڈی جی کے ڈی اے سمیع الدین صدیقی نے دورہ کیا اور پارک میں شہریوں کو بہترین سہولیات فراہم کرنے کے لئے ممکنہ اقدامات کی ہدایت کی۔ڈی جی کے ڈی اے کے ہمراہ ڈائریکٹر پارکس ورئیل اندھر، ڈپٹی ڈائریکٹر پارکس عارف احمد، ایگزیکٹو انجینئر گلستان جوہر غلام محمد، محمدرضوان، محمد سرور و دیگر افسران موجود تھے۔