مہران ٹائون کورنگی سیکٹر 6/E، 6/F میں ناجائز تعمیرات کو پولیس اور مقامی انتظامیہ کی نگرانی میں بھاری مشینری کے ذریعے مسمار کردیا۔ڈائریکٹر جنرل ادارہ ترقیات کراچی
	21-Aug-2018
	ڈائریکٹر جنرل ادارہ ترقیات کراچی سمیع الدین صدیقی کی خصوصی ہدایت پر شہر بھر میں کے ڈی اے اراضی پر قائم تجاوزات کے خلاف بھرپور قوت سے آپریشن جاری ہے۔ ڈی جی کے ڈی اے اور ڈائریکٹر جنرل سندھ بلڈنگ کنٹرول اتھارٹی افتخار قائم خانی کی ہدایت پر اینٹی انکروچمنٹ کے عملے نے مشترکہ آپریشن کرتے ہوئے مہران ٹائون کورنگی سیکٹر 6/E، 6/F میں ناجائز تعمیرات کو پولیس اور مقامی انتظامیہ کی نگرانی میں بھاری مشینری کے ذریعے مسمار کردیا جبکہ دفعہ 144 کی خلاف ورزی کرتے ہوئے گلستان جوہر کامران چورنگی کے اطراف غیر قانونی مویشی منڈی کے خلاف ڈپٹی کمشنر ایسٹ احمد علی صدیقی کی نگرانی میں آپریشن کیا گیا آپریشن کے دوران اسٹیٹ اینڈ انفورنسمنٹ کے عملے کو سخت مزاحمت کا سامنا کرنا پڑا جس کے باعث ڈائریکٹر اسٹیٹ اینڈ انفورنسمنٹ نے مقامی پولیس تھانے میں نامعلوم افراد کے خلاف ایف آئی آر درج کرادی ہے ۔ ڈائریکٹر اسٹیٹ اینڈ انفورنسمنٹ ورئیل انڈھڑ اور ڈائریکٹر ڈیمالیشن ایس بی سی اے ساجد احمد نے کہا ہے کہ سپریم کورٹ کے واضح احکامات کی روشنی میں تجاوزات کے خلاف بلا تفریق آپریشن جاری ہے، ڈی جی کے ڈی اے کی خصوصی ہدایت پر تجاوزات کے مکمل خاتمے تک آپریشن جاری رہے گا۔ واضح رہے کہ ڈی جی کے ڈی اے سمیع الدین صدیقی آپریشن کی مانیٹرنگ کررہے ہیں اور سو فیصد نتائج حاصل کرنے کے لئے وقتاً فوقتاً ہدایت جاری کررہے ہیں۔