واگزار کرائی گئی کے ڈی اے اراضی کو محفوظ رکھنے کے لئے ہنگامی بنیادوں پر نگرانی نظام نافذ کردیا گیا ہے۔ڈائریکٹر جنرل ادارہ ترقیات کراچی سمیع الدین صدیقی
	04-Sep-2018
	ڈائریکٹر جنرل ادارہ ترقیات کراچی سمیع الدین صدیقی کے احکامات کی روشنی میں کے ڈی اے محکمہ اسٹیٹ اینڈ انفورنسمنٹ کے عملہ نے گلستان جوہر پلاٹ نمبر B-16 بلاک 4 میں عرصہ دراز سے قائم قابضین کے خلاف کارروائی کرتے ہوئے پلاٹ اصل الاٹیز کے حوالے کردیا گیا۔ ڈی جی کے ڈی اے کی خصوصی ہدایت پر ڈائریکٹر اسٹیٹ اینڈ انفورنسمنٹ ورئیل انڈھڑ کی سربراہی میں گلستان جوہر میں پولیس نگرانی میں قبضہ مافیا کے خلاف کارروائی کی گئی، کارروائی کے دوران گلستان جوہر پلاٹ B-16 بلاک 4 میں غیر قانونی طور پر قابضین سے پلاٹ خالی کراکے اصل مالکان کو دے دیا گیا جبکہ رواں سال آپریشن کے دوران واگزار کرائی گئی کے ڈی اے اراضی کو محفوظ رکھنے کے لئے ہنگامی بنیادوں پر نگرانی نظام نافذ کردیا گیا ہے۔ واگزار کرائی گئی اراضی کی تفصیلات ڈی جی کے ڈی اے کو فراہم کردی گئی ہے، ڈی جی کے ڈی اے کا کہنا ہے کہ انتہائی مختصر عرصے میں کے ڈی اے اراضی پر قائم قابضین کے خلاف انتہائی منظم اور مربوط حکمت عملی کے تحت عملی اقدامات کئے جارہے ہیں، قانون شکن عناصر سن لیں آئندہ کسی بھی غیر قانونی عمل کو قطعاً برداشت نہیں کریں گے، رفاہی پلاٹس سے متعلق نافذ العمل قاعدے و قوانین پر عمل درآمد ترجیحات میں شامل ہے۔