عرصہ دراز سے قائم قابضین کے خلاف کارروائی کرتے ہوئے پلاٹس اصل الاٹیز کے حوالے کردیئے گئے ہیں۔ اسٹیٹ اینڈ انفورنسمنٹ
	05-Sep-2018
	ڈائریکٹر جنرل ادارہ ترقیات کراچی سمیع الدین صدیقی کی خصوصی ہدایت پر محکمہ اسٹیٹ اینڈ انفورنسمنٹ کے عملہ نے گلستان جوہر پلاٹ نمبر L1/C، L1/D ،B-134/2 ، B-134/4 بلاک 1 میں عرصہ دراز سے قائم قابضین کے خلاف کارروائی کرتے ہوئے پلاٹس اصل الاٹیز کے حوالے کردیئے گئے ہیں۔ رواں ہفتے سائلین کی شکایت پر ڈی جی کے ڈی اے نے مسروقہ پلاٹس کی نشاندہی کرکے کارروائی کے احکامات جاری کئے تھے۔ ڈائریکٹر اسٹیٹ اینڈ انفورنسمنٹ ورئیل انڈھڑ کی نگرانی میں گلستان جوہر میں قبضہ مافیا کے خلاف کارروائی کی گئی، اس موقع پر ورئیل انڈھڑ نے واضح کیا کہ ڈی جی کے ڈی اے کے احکامات پر من و عن عمل کیا جائے گا اور قابضین کے خلاف بھرپور کارروائی عمل میں لائی جائے گی۔