Home  
    Director General  
    Governing Body  
    Departments  
    KDA Directory  
    Photo Gallery  
    Video Gallery  
       
 
 
       
    KDA Introduction  
    Organization Chart  
    Tender Information  
    Tenders  
    Grand Auction  
    Notifications  
       
 
 
       
    Public Notice  
    Town Map  
    National Holidays  
    Prayer Timings  
       


 
 
 
 
     
  آپریشن کے کامیاب نتائج کے لئے مزید تیزی سے کے ڈی اے اراضی واگزار کرانے کے لئے حکمت عملی تیار کرلی گئی ہے۔ڈائریکٹر جنرل ادارہ ترقیات کراچی سمیع الدین صدیقی  
     
  05-Oct-2018  
     
   
     
  سپریم کورٹ کے احکامات کی روشنی اور ڈائریکٹر جنرل ادارہ ترقیات کراچی سمیع الدین صدیقی کی خصوصی ہدایت پر متعلقہ محکمہ اسٹیٹ اینڈ انفورنسمنٹ کا عملہ شہر بھر میں کے ڈی اے اراضی پر قائم غیر قانونی تعمیرات کو مسمار کرنے کے لئے بھرپور قوت سے بلا تفریق آپریشن جاری ہے۔ قبضہ مافیا کے خلاف ادارہ ترقیات کراچی کے محکمہ اسٹیٹ اینڈ انفورنسمنٹ کا عملہ تمام تر توانائیاں صرف کررہا ہے جبکہ ڈائریکٹر جنرل کے ڈی اے سمیع الدین صدیقی بذات خود آپریشن کی مانیٹرنگ کررہے ہیں۔ آپریشن کے کامیاب نتائج حاصل کرنے کے لئے مزید تیزی سے کے ڈی اے اراضی واگزار کرانے کے لئے حکمت عملی تیار کرلی گئی ہے جس پر من و عن عمل درآمد کیا جارہا ہے۔ بروز جمعہ واٹر پمپ ، ناگن چورنگی اور سخی حسن میں واقع کے ڈی اے اراضی پر قائم غیر قانونی پی ایم اے شادی ہال ، دہلی شادی ہال اور گھانچی میرج لان کو ڈی جی کے ڈی اے کی سربراہی اور مقامی انتظامیہ وپولیس کی موجودگی میں بھاری مشینری کے ذریعے مسمار کردیا گیا۔ اراضی تفریحی پارکس اور اسپتال کے لئے مختص کی گئی تھی جس پر غیر قانونی طور پر شادی ہالز تعمیر کئے گئے تھے۔ آپریشن کے وقت ڈائریکٹر جنرل ادارہ ترقیات کراچی سمیع الدین صدیقی موجود تھے۔ان کا کہنا تھا کہ شہر بھر میں قابضین کے خلاف مؤثر کارروائی جاری ہے بہت جلد اہداف حاصل کرنے میں کامیاب ہوجائیں گے۔ واگزار کرائی گئی اراضی کو مستقل بنیادوں پر محفوظ بنانے کے لئے نگرانی نظام نافذ ہے جبکہ مستقبل قریب میں تجاوزات کی روک تھام کے لئے حکمت عملی تیار کی جارہی ہے جس پر بہت جلد عملدرآمد یقینی بنایا جائے گا۔ اس موقع پر ڈی جی کے ڈی اے کے ہمراہ ڈائریکٹر اسٹیٹ اینڈ انفورنسمنٹ ورئیل اندھر، میڈیا کو آرڈی نیٹر اکرم ستار بھی موجود تھے۔  
     
     
 
News Photo Gallery
 
 
 
 
 

 
     
     

 

 

 

 

 
 
   
 

Copyright © 2016 Karachi Development Authority. All Rights Reserved.
The KDA will not be responsible for the content of external internet sites. / Login  / Webmail