Home  
    Director General  
    Governing Body  
    Departments  
    KDA Directory  
    Photo Gallery  
    Video Gallery  
       
 
 
       
    KDA Introduction  
    Organization Chart  
    Tender Information  
    Tenders  
    Grand Auction  
    Notifications  
       
 
 
       
    Public Notice  
    Town Map  
    National Holidays  
    Prayer Timings  
       


 
 
 
 
     
  صوبائی وزیر وومن ڈویلپمنٹ شہلا رضا نے کہا ہے کہ ملک میں خواتین ہاکی کی ترقی کے لئے ہر ممکن اقدامات کئے جارہے ہیں،  
     
  31-Oct-2018  
     
   
     
  صوبائی وزیر وومن ڈویلپمنٹ شہلا رضا نے کہا ہے کہ ملک میں خواتین ہاکی کی ترقی کے لئے ہر ممکن اقدامات کئے جارہے ہیں، میرے منصب کی ذمہ داری ہے کہ ان بچیوں کو قومی سطح پر لے جانے کے لئے کردار ادا کروں تاکہ خواتین اس شہر، صوبہ اور ملک کا نام روشن کرسکیں۔ان خیالات کا اظہار انہوں نے کے ڈی اے وومن ہاکی ٹیم کے اعزاز میں منعقدہ تقریب سے خطاب کرتے ہوئے کہی۔ تقریب میں صوبائی وزیر وومن ڈیولپمنٹ شہلا رضا نے خصوصی شرکت کی جبکہ ڈی جی کے ڈی اے کے ہمراہ کے ڈی اے ایڈوائزر اسپورٹس ڈاکٹر جنید علی شاہ اور سابق ہاکی اولمپیئن حنیف خان ، وسیم فیروز، ہاکی ایسوسی ایشن کے چیئرمین اور سندھ کے سیکریٹری گلفراز احمد خان، سیکریٹری ہاکی ایسوسی ایشن حیدر حسین، سندھ ہاکی ایسوسی ایشن کے صدر ڈی ایس پی اعجاز الدین، سیکریٹری کے ڈی اے فضیل بخاری، ڈائریکٹر فنانس عطاء عباس، چیف انجینئر رام چند، ڈائریکٹر اسپورٹس ناصر علی، ایاز منشی، اسپورٹس آرگنائزر ایم نسیم، ترجمان ادارہ ترقیات اکرم ستار و دیگر افسران موجود تھے۔تقریب کے دوران سابق اولمپیئن حنیف خان نے کے ڈی اے وومن ہاکی ٹیم میں منتخب ہونے والے کھلاڑیوں کے ناموں کا اعلان کیا جبکہ صوبائی وزیر شہلا رضا نے منتخب ہونے والے کھلاڑیوں میں اپائنمنٹ لیٹر تقسیم کئے۔ واضح رہے کہ سندھ بھر سے آنے والے کھلاڑیوں کے ٹرائل کے بعد میرٹ کی بنیاد پر باصلاحیت کھلاڑیوں کا انتخاب کیا گیا ہے۔ اس موقع پر ڈی جی کے ڈی اے سمیع الدین صدیقی نے کہا کہ ہاکی ہمارا قومی کھیل ہے، نوجوان محنت کرکے اس کا کھویا ہوا مقام دوبارہ حاصل کرسکتے ہیں۔بہت جلد اسپورٹس لائبریری کا قیام عمل میں لایا جائے گا جو کہ کراچی ڈیولپمنٹ اتھارٹی کا شاندار منصوبہ ہوگا، جس سے نوجوان دنیا میں ہونے والی تحقیق اور اسپورٹس کی دنیا میں ہونے والی تبدیلیوں سے استفادہ حاصل کرسکیں گے۔ ڈی جی کے ڈی اے نے مزید کہا کہ کے ڈی اے وومن ہاکی ٹیم کو جلد ملائیشیا کے دورہ پر بھیجا جائے گا جہاں کے ڈی اے وومن ہاکی ٹیم عالمی ایونٹ میں شرکت کرے گی۔اسپورٹس انتہائی اہمیت کا حامل شعبہ ہے، نوجوانوں کو اسپورٹس کی بہترین سہولتیں فراہم کررہے ہیں، ہمارے پاس جدید سہولتوں سے آراستہ اسٹیڈیمز، جمنازیم و دیگر سہولیات موجود ہیں، ضرورت اس امر کی ہے کہ نوجوانوں کو اسپورٹس کی جانب راغب کرکے ان کے کھیل کو مزید بہتر بنایا جائے، ادارہ ترقیات نوجوانوں کو ہر طرح کی سہولتیں فراہم کرے گا۔ انہوں نے صوبہ میں اسپورٹس کا کلچر پروان چڑھانے پر ڈاکٹر جنید علی کی کاوشوں کو سراہا۔آخر میں ڈی جی کے ڈی اے نے صوبائی وزیر شہلا رضا اور ڈاکٹر جنید علی شاہ کو سووینئر اور سندھ کی ثقافت اجرک پیش کی۔  
     
     
 
News Photo Gallery
 
 
 
 
 
 
 
 
 
 
 
 
 

 
     
     

 

 

 

 

 
 
   
 

Copyright © 2016 Karachi Development Authority. All Rights Reserved.
The KDA will not be responsible for the content of external internet sites. / Login  / Webmail