Home  
    Director General  
    Governing Body  
    Departments  
    KDA Directory  
    Photo Gallery  
    Video Gallery  
       
 
 
       
    KDA Introduction  
    Organization Chart  
    Tender Information  
    Tenders  
    Grand Auction  
    Notifications  
       
 
 
       
    Public Notice  
    Town Map  
    National Holidays  
    Prayer Timings  
       


 
 
 
 
     
  گلستان جوہر میں غیر قانونی دکانیں، 70 سے زائد شیڈز، تقریباً20 کیبن، گرین بیلٹ پر قائم غیر قانونی متعدد پتھاروں کا خاتمہ کیا گیا  
     
  10-Nov-2018  
     
   
     
  ادارہ ترقیات کراچی کی جانب سے انہدامی کارروائیوں کا سلسلہ تیزی سے جاری ہے۔ کے ڈی اے محکمہ اسٹیٹ اینڈ انفورنسمنٹ کا عملہ بلا تفریق قابضین کے خلاف مؤثر آپریشن کررہا ہے۔ ڈائریکٹر جنرل ادارہ ترقیات کراچی سمیع الدین صدیقی نے کہا ہے کہ کے ڈی اے اراضی پر تجاوزات ختم کردی جائے بصورت دیگر خاطر میں لائے بغیر سرکاری اراضی واگزار کرائی جائے گی۔ مشینری قوت اور فنڈز کی کمی کے باوجود محکمہ انسداد و تجاوزات نے 80 فیصد سے زائد تجاوزات کا خاتمہ کردیا ہے، یقینی بنایا جارہا ہے کہ مستقبل قریب میں واگزار کرائی گئی اراضی پر تجاوزات قائم نہ ہوں۔یہ بات ڈی جی کے ڈی اے نے گلستان جوہر میں قابضین کے خلاف آپریشن کے دوران میڈیا کے نمائندوں سے مختصر بات چیت کرتے ہوئے کہی۔ گزشتہ شب کے ڈی اے سوک سینٹر بلڈنگ کے اطراف غیر قانونی تعمیرات اور پتھارے مافیا کے خلاف ڈائریکٹر اسٹیٹ اینڈ انفورنسمنٹ اور اسسٹنٹ کمشنر ایسٹ کی موجودگی میں آپریشن شروع کیا گیا، آپریشن کے دوران بائونڈری وال جس کا رقبہ تقریباً 4 ایکڑ پر مشتمل تھا، منہدم کردیا گیا جبکہ آج گلستان جوہر میں غیر قانونی دکانیں، 70 سے زائد شیڈز، تقریباً20 کیبن، گرین بیلٹ پر قائم غیر قانونی متعدد پتھاروں کا خاتمہ کیا گیا اور گلستان جوہر بلاک 13 میں واقع 20 سال سے قائم فرنیچر مارکیٹ میں غیر قانونی 500 سے زائد دکانوں کو بھاری مشینری کے ذریعے مقامی انتظامیہ و پولیس کی موجودگی میں مسمار کردیا گیا۔ آپریشن ڈائریکٹر جنرل کے ڈی اے سمیع الدین صدیقی کی نگرانی میں کیا گیا، آپریشن کے دوران اسسٹنٹ ڈائریکٹر انکروچمنٹ سیل خرم شہباز، ڈائریکٹر اسٹیٹ اینڈ انفورنسمنٹ ورئیل اندھر، ترجمان ادارہ ترقیات اکرم ستار بھی موجود تھے۔ واضح رہے کہ کے ڈی اے اراضی مکمل طور پر واگزار کرنے کے لئے 24 گھنٹوں سے زائد وقت گزرنے کے باوجود گزشتہ شب سے آپریشن جاری ہے، مطلوبہ نتائج حاصل کرنے تک آپریشن جاری رہے گا۔  
     
     
 
News Photo Gallery
 
 
 
 
 

 
     
     

 

 

 

 

 
 
   
 

Copyright © 2016 Karachi Development Authority. All Rights Reserved.
The KDA will not be responsible for the content of external internet sites. / Login  / Webmail