محکمہ انسداد و تجاوزات کا عملہ کے ڈی اے اراضی قابضین سے چھڑانے کے لئے آپریشن جاری ہے۔ا
	16-Nov-2018
	محکمہ انسداد و تجاوزات کا عملہ کے ڈی اے اراضی قابضین سے چھڑانے کے لئے آپریشن جاری ہے۔ادارہ ترقیات کراچی کے ترجمان کا کہنا ہے کہ واگزار کرائی اراضی کو اصل شکل میں بحال کردیا گیا ہے جو تجاوزات میں گم ہوگئی تھیں، انسداد تجاوزات کی کارروائی بتدریج پورے شہر میں کی جائے گی اور شہر کو تجاوزات سے پاک کیا جائے گا، انہوں نے قابضین سے کہا کہ وہ نقصانات سے بچنے کے لئے قابض جگہوں کو ازخود خالی کریں، سپریم کورٹ کے احکامات پر عمل درآمد اداروں کی ذمہ داری ہے جبکہ کے ڈی اے پارکوں میں بھی صفائی کا کام شروع کیا جارہا ہے۔آج گلشن اقبال میں واقع کے ڈی اے مارکیٹ کے اطراف غیر قانونی تعمیرات اور پتھارے مافیا کے خلاف ڈائریکٹر اسٹیٹ اینڈ انفورنسمنٹ کی سربراہی میں آپریشن کیا گیا، آپریشن کے دوران غیر قانونی متعدد پتھاروں کا خاتمہ کیا گیا اور غیر قانونی تعمیرات کو بھاری مشینری کے ذریعے مقامی انتظامیہ و پولیس کی موجودگی میں مسمار کردیا گیا۔ کارروائی کے دوران ڈائریکٹر اسٹیٹ اینڈ انفورنسمنٹ ورئیل اندھر، اسسٹنٹ ڈائریکٹر انکروچمنٹ سیل خرم شہباز، ترجمان ادارہ ترقیات کراچی اکرم ستار و دیگر افسران موجود تھے۔