سندھ کالجز گیمز کے زیر اہتمام انٹر کالج ویمن ہاکی چیمپئن شپ کے فائنل کے موقع پر ڈائریکٹر جنرل سمیع الدین صدیقی مہمان خصوصی کی حیثیت سے شرکت کی۔
	23-Jan-2019
	ڈائریکٹر جنرل ادارہ ترقیات کراچی سمیع الدین صدیقی نے کہا ہے کہ کراچی ڈیولپمنٹ اتھارٹی کھیلوںکے فروغ کے لئے اپنی سپورٹ جاری رکھے گا اور کھیلوں کے ذریعے نوجوانوں کو صحتمندانہ سرگرمیوں کی طرف راغب کرنے کے لئے ہر ممکن اقدامات کئے جائیں گے۔ یہ بات ڈی جی کے ڈی اے نے کراچی ہاکی ایسوسی ایشن اسٹیڈیم میںجاری انٹرکالج ویمن ہاکی چیمپئن شپ کے فائنل میچ کے دوران کہی۔ سندھ کالجز گیمز کے زیر اہتمام انٹر کالج ویمن ہاکی چیمپئن شپ کے فائنل کے موقع پر ڈائریکٹر جنرل سمیع الدین صدیقی مہمان خصوصی کی حیثیت سے شرکت کی۔ کورنگی کالج نمبر 6اور گورنمنٹ کالج بلاک M نارتھ ناظم آباد کی خواتین ہاکی ٹیموں کے درمیان فائنل میچ کھیلا گیا۔ اختتام پر کورنگی کالج خواتین ہاکی ٹیم نے صفر کے مقابلہ میں 3 گول کی سبقت سے کامیابی حاصل کی۔ اس طرح فاتح ٹیم کے کپتان نے ڈی جی کے ڈی اے سمیع الدین صدیقی سے ونر ٹرافی وصول کی۔ اس دوران ایڈوائزر اسپورٹس جنید علی شاہ، جنرل سیکریٹری کراچی ہاکی ایسوسی ایشن حیدر حسین، حیدرآباد اسپورٹس آفیسر راحت علی شاہ، ایڈیشنل ڈائریکٹر اسپورٹس ایاز منشی، ترجمان ادارہ ترقیات اکرم ستار و دیگر افسران موجود تھے۔ ڈی جی کے ڈی اے نے مختصر گفتگو کرتے ہوئے کہا کہ قومی کھیل کے فروغ کیلئے اس طرح کے ایونٹ کا انعقاد ضروری ہے، کوشش ہے کہ ادارہ ترقیات اور سول سوسائٹی کے اشتراک سے ماہوار کی بنیاد پر ٹورنامنٹ منعقد کرائیں ۔ قومی کھیل ہاکی کے فروغ کے لئے ہر سطح پر اقدامات کئے جائیں گے۔ابتدائی مرحلے میں سینکڑوں گرائونڈز کو اصل شکل میں لایا جارہا ہے جلد ہی کے ڈی اے میدان ایک بار پھر آباد نظر آئیں گے۔ ادارہ ترقیات کھیل کے میدان میں خواتین کی بھرپور حوصلہ افزائی جاری رکھے گا۔ بعد ازاں گورنمنٹ کالج بلاک M نارتھ ناظم آباد کی ٹیم میںشامل کھلاڑی دعا کی شاندار پرفارمنس سے متاثر ہوکر ڈائریکٹر جنرل سمیع الدین صدیقی نے کے ڈی اے خواتین ہاکی ٹیم کے لئے نامزد کیا۔