Home  
    Director General  
    Governing Body  
    Departments  
    KDA Directory  
    Photo Gallery  
    Video Gallery  
       
 
 
       
    KDA Introduction  
    Organization Chart  
    Tender Information  
    Tenders  
    Grand Auction  
    Notifications  
       
 
 
       
    Public Notice  
    Town Map  
    National Holidays  
    Prayer Timings  
       


 
 
 
 
     
  کراچی ڈیولپمنٹ اتھارٹی کھیلوں کی سرگرمیوں کو بحال کرنے اور میدانوں کو آباد کرنے کے لئے قابل قدر کوششیں کررہا ہے۔یونس خان  
     
  27-Jan-2019  
     
   
     
  ڈائریکٹر جنرل ادارہ ترقیات سمیع الدین صدیقی سے قومی ٹیم کے سابق کپتان اور مایہ ناز کھلاڑی یونس خان نے سوک سینٹر میں موجود اپنے دفتر میں ملاقات کی۔ ان کے ہمراہ اسپورٹس ایڈوائزر ڈاکٹر جنید علی شاہ، چیف انجینئر رام چند،ڈائریکٹر لینڈ آصف علی میمن، ڈائریکٹر اسپورٹس محمد ناصر، ایڈیشنل ڈائریکٹر اسپورٹس ایاز منشی، اسپورٹس آرگنائزر ایم نسیم، جنرل سیکریٹری کراچی ہاکی ایسوسی ایشن حیدر حسین اور ترجمان ادارہ ترقیات اکرم ستار بھی موجود تھے۔ اس موقع پر یونس خان نے کہا کہ کراچی ڈیولپمنٹ اتھارٹی کھیلوں کی سرگرمیوں کو بحال کرنے اور میدانوں کو آباد کرنے کے لئے قابل قدر کوششیں کررہا ہے، یقینا اس کے اثرات نمایاں ہونا شروع ہوگئے ہیں۔ اگر اسی طرح ادارہ ترقیات کراچی اپنی تمام تر توجہ مرکوز رکھے تو بہت جلد شہر کراچی میں کھیلوں کے میدان آباد اور نوجوان نسل کو مواقع میسر آئیں گے۔بعدازاں یونس خان نے ڈی جی کے ڈی اے کے ہمراہ اسکیم 1 میں کے ڈی اے اراضی پر قائم کرکٹ اسٹیڈیم کا دورہ کیا۔ ڈی جی کے ڈی اے نے کرکٹ اسٹیڈیم میں جاری تزئین و آرائش کے بارے میں تفصیلی بریفنگ دیتے ہوئے بتایا کہ رواں ماہ ترقیاتی کام مکمل کرکے جدید طرز پر مشتمل کرکٹ اسٹیڈیم کھیلوںکی سرگرمیوں کے لئے تیار ہوجائے گا۔ اس موقع پر ڈی جی کے ڈی اے سمیع الدین صدیقی نے یونس خان کو بطور کے ڈی اے کرکٹ ایڈوائزر نامزد کرتے ہوئے کہا کہ المنصورہ کرکٹ گرائونڈ فیڈرل بی ایریا جو کہ 16 ایکڑ اراضی پر مشتمل ہے، یونس خان کرکٹ اکیڈمی کے نام سے منسوب کردیا گیا ہے۔ آنے والے وقت میں یونس خان کرکٹ اکیڈمی آئیڈیل گرائونڈ ثابت ہوگی جہاں کھلاڑیوں کو تربیتی کیمپ کے ساتھ کھیل میں نکھار لانے کے وسیع تر مواقع میسر آئیں گے۔ یونس خان کی ملک کے لئے خدمات کسی سے ڈھکی چھپی نہیں، یونس خان کی نگرانی میں کھلاڑیوں کو اپنے صلاحیتوں کا مظاہرہ کرنے کا موقع میسر آئے گا، یقینا یہ ادارہ کے لئے اعزاز کی بات ہے ۔ انہوں نے مزید کہا کہ 45 سے زائد گرائونڈز کو اصل شکل میں بحال کردیا گیا ہے، بیشتر گرائونڈ آباد ہوچکے ہیں جبکہ مزید میدان آباد کرنے کے لئے اقدامات کئے جارہے ہیں۔ ادارہ ترقیات کھیلوں کے فروغ کیلئے اپنے تمام وسائل کا استعمال کررہا ہے۔ ڈاکٹر جنید علی شاہ نے کہا کہ ادارہ ترقیات اور یونس خان کے تعاون سے شہر کراچی میں نہ صرف کھیلوں کے میدان آباد ہوں گے بلکہ نوجوان کھلاڑی سابق قومی کھلاڑیوں کے وسیع تر تجربے سے فائدہ اٹھاکر دنیا بھر میں ملک و قوم کا نام روشن کرنے میں کلیدی کردار ادا کریں گے۔ آخر میں ڈی جی کے ڈی اے نے یونس خان کو سندھ کی روایتی ثقافت اجرک، ٹوپی اور یادگاری شیلڈ پیش کی۔ اس موقع پر سی بی اے مزدور یونین کے چیئرمین عبدالمتین شیخ، جنرل سیکریٹری اشفاق چشتی، لیبر یونین کے سرپرست اعلیٰ محمد اشرف، ایمپلائز یونین کے انفارمیشن سیکریٹری عبدالمعروف بھی موجود تھے۔  
     
     
 
News Photo Gallery
 
 
 
 
 
 
 
 
 
 
 

 
     
     

 

 

 

 

 
 
   
 

Copyright © 2016 Karachi Development Authority. All Rights Reserved.
The KDA will not be responsible for the content of external internet sites. / Login  / Webmail